يسعد أوقاتكن أصدقائي أرجو الانتباه جيدا للشرح وهاد الشرح بيتعلق بجميع الايميلات بشكل عام مهما كان نوع الايميل...

الكثير منكم يتسائل عن< كيفية التهكير او سرقة الايميلات و الحماية منها > بالنسبة لسرقة الايميلات فهناك طرق متعددة وسأقوم بشرحها الأن
...:::: تابعوا الشرح ::::...
الطريقة الأولى : برامج تجريب كلمات السر وهي أكثر الطرق انتشارا لسهولتها ولا تحتاج إلى خبرة أبدا لأنها عن طريق برنامج وهناك نوعين من هذه البرامج النوع الأول : برامج التجريب العشوائي : وهي تعتمد في البحث بتجريب كلمات سر تزود بها من مواقع توليد كلمات السر وهي في الغالب تكون كلمات سر مشفرة ومعقدة النوع الثاني : برامج التخمين : وهذه البرامج تجرب كلمات سر تزودها به انت أي تخمين معطاة منك حيث قاعدة الهكرز بشكل عام تقول للاختراق 5 مراحل أول مرحلة جمع المعلومات عن الضحية أي انك تجمع معلومات عن صاحب الايميل ( اسمه رقمه شو بحب ... ) وتحاول تتوقع الباسوورد يعني كلمة السر وطريقة الحماية من التهكير باستخدام برامج تجريب الباسورد انو تكون كلمة سر تتضمن ما يلي 1 : خلي يكون باسووردك أكثر من 30 خانة 2 : ضع في كلمة سر ايميلك كلمة صحيحة مثل ( Syria – iloveyou ) لتتجنب تهكير اسمك من برامج النوع الأول التجريب عن طريق باسووردات مشفرة 3 : بلاضافة إلى كلمة صحيحة أضف أيضا أحرف وأرقام بشكل عشوائي لتتجنب النوع الثاني ( برامج التخمين ) 4 : خلي كلمة سر ايميلك عبارة عن أحرف كبيرة وصغيرة ورح يجي واحد رح يقلي وإذا كبيرة وصغيرة اكتبها كلها صغيرة بيدخل بقلو أي صح بس ما بيحسن يغير الباسوورد إلا إذا كان متطابق أحرف كبيرة وصغيرة
الخلاصة : باسووردك 30 خانة جملة صحيحة جملة مشفرة أحرف كبيرة وصغيرة = نسبة تهكير اقل من 0.000001 با لمية مثال عن باسوورد صعب SyriaSS43h6S5h65jh56gHh6g5h6iA

النوع الثاني من طرق سرقة الايميلات هي متل مابتتسمى الصفحات المزورة او المواقع المزورة وهي أحد طرق خداع المستخدم وهي أسهل طريقة لسرقة ايميلات المبتدئين او عديمي المعرفة يعني شخص جديد عهلقصص فقط وللأسف بيوقع فيها الكثير من المبتدئين حيث يأتيهم أحد الأشخاص ويقول لهم يدخلوا عموقع كذا ويدخلوا ايميلن بهاد الموقع وغالبا بتكون هي الصفحات مشابهة لموقع الشركة بهدف الخداع يعني بجيك واحد بقلك دخول لموقع بيعطيك هو رابطو وبس تفوت في مستطيلات حط فيهن ايميلك وكلمة السر وسجل دخول وفورا بس سجلت انت فيه ايميلك وكلمة سرك صارت عند مصمم الصفحة عملف تيكست حتى لو كان باسووردك شي خيالي بيجيه بكل سهولة على طبق من ذهب ...
طرق الحماية من الصفحات المزورة بكل بساطة ما تدخل بايميلك وكلمة سرك إلا من مواقع شركة الايميل الاصلية وتأكد ان العناوين مظبوطة إذا دخلتها عن طريق رابط مباشر من شي موقع قبل ما تحط ايميلك وتوقع بلفخ...

النوع الثالث وهو البرامج المزيفة وهي برامج على نفس مبدأ الصفحة المزورة يكون فيها مكان للأيميل وكلمة السر مثلا بيجي شخص بيعطيك رابط برنامج وبقلك حمل هاد البرنامج هاد بيسرق اي ايميل بس اول شي بدك تحط ايميلك وكلمة السر وتسجل دخول ليفتح البرنامج وبعدا فيك تسرق قد مابدك ايميلات
وغيرو من هل كذب طيب كيف تحمي حالك من هلطريقة بكل ببساطة بقلك ما في هيك برامج للمرة الثانية برجع بقلك ما تدخل باسمك الأساسي أو اسم مهم بالنسبة الك إلا من موقع شركة الايميل أو برامج من الشركة الاساسية فقط ....

النوع الرابع وهو اخطر الطرق واكثرها ضررا وهي خاصة للي بيفتحوا من الكمبيوتر مو الموبايل وهي الطريقة بتم عن طريق برامج مدموجة بفيروس ( باتش أو سيرفر ) وأكيد الكل سمع بشي اسمو ملفات التجسس
مثلا بيجي واحد بقلك هاد برنامج بجبلك باسوورد الشخص الي بدك ياه أو أي شي مغري كتير كتير
انت بتقول لحالك يلا رح جرب و ما رح اكتب ايميلي وبحط اي ايميل تاني شو خسران رح جرب بس بالحقيقة وقت تحمل البرنامج بكون في مثل ما قلنا فيروس ( باتش أو سيرفر )
طيب شو عملها هي الباتشات ؟؟؟
إلها 3 إعمال
1 : منها اخطر نوع بتفتح منفذ خلفي لاختراق جهازك من قبل صاحب البرنامج
2 : اقل ضرر ترسل كل شي عم تكتبه على الكيبورد لصاحبها
3 : ترسل جميع كلمات السر المخزنة والمكتوبة على جهازك ...
طيب كيف تحمي حالك طبعا هذه الطريقة تعتبر من اقوى الطرق وللحماية منها تحتاج إلى خبرة . . .
أنا رح حط بعض الحلول أول شي ما في برنامج تابع لشركات الايميلات العالمية يتعارض مع مكافح الفايرس إذا كان البرنامج سليم
يعني بكل بساطة لا تطفي مكافح الفيروسات
2 : لازم يكون عندك انتي فيروس من نوع انترنت سيكريتي نسخة نظامية ومحدثة دائما
3 : حاول تحمل برامجك من مواقع موثوقة
5 : إذا مانك واثق من قدرتك على حماية نفسك يفضل ما تدخل بأيميلك من الكومبيوتر

وهيك وبحمد الله بكون أتميت شرحي عن اشهر الطرق الشائعة لسرقة الايميلات وبتمنا تكونوا استفدتوا
بس في إضافة صغيرة لمستخدمين برنامج سيريا تولك السوري او اي برنامج مشابه وخاصة الجدد علبرنامج في ناس بتجي بتقلكن انو لتحمي ايميلك حط قائمة واختار الأدوات بعدها اختار اكتشاف خدمات او ببعض النسخ اسمها بحث الغرف اضغط عليها بتلاقي سيرفر والي هو السيرفر الي مسجل عليه ايميلك بتضغط عليه بيطلعلك عدة خيارات بتضغط عأول واحد والي اسمو التسجيل بتلاقي مستطيلين الأول فيه ايميلك والتاني فاضي بقلولك اكتوب بلتاني مثلا كلمة او مجموعة ارقام مخربطة بحجة انها إذا حطيتا ايميلك مثلا حسب أحد الكذبات انو مابقا يتهكر او ينسرق بس للأسف بحب قلكن انو هي الطريقة هي طريقة لتغيير كلمة السر وبوضعك لأي رقم او كلمة عطاك ياها هاد الشخص لأساس لتحمي ايميلك انت وقتا بتكون غيرت كلمة سر ايميلك ووقتا بكل بساطة بيجي هاد الشخص وبفوت بإيميلك وبغير كلمة السر بنفس الطريقة وهيك بكون سرق ايميلك وانا بلغت اللهم فاشهد وحكيت الي عندي لفيدكن ومابتمنا بلمقابل إلا دعوة صادقة من القلب
والحمدلله اللي أعاني وعطاني قدرة لحتى ساعد غيري ولو بأشياء بسيطة..

مع تحياتي للجميع اخوكن سليمان